Un Dino Jab ke Tum The Yahaan....

Zindgi jagi-2 si thi

Saare mousam bade meharbaa dost the..

Raaste dawatname the ..

Jo manjilon ne likhe the humare liye...

Ped baahein pasaare khade the ..

Hume chhaon ki shaal pehnane ke liye

Bahut muskuraate the jab vo dekhte the hume..

Aati jati hawaye koi geet khushbu ka gaati hui...

Cheerti thi aur Gujar jati thi...

aasmaa pighle neelam ka gehra talab tha

Jisme har raat ..

Ek chand ka phool khilta tha aur ...

Pighle neelam ki lehron me behta hua

Vo humare dilon ko chhoo jata tha...

Un Dino Jab ke Tum The Yahaan

.